Heinrich von Loufenberg

Es stot ein lind in himelrich,
Do blüent alle este.
Do schryend alle engel glich,
Daz Yesus si der beste.

Es kam ein bot von himel vin
Har uf diese erden,
Er gieng zur bschlossenen türen in
Und grüsste die vil werde.

Gegrüsset siest, Maria,
Ein kron ob allen wiben
Du solt ein kind geberen ja,
Und solt doch maget bliben.

Wie kan ich gebern ein kindelin
Und sin ein maget lise.
Niemans begert daz herze min,
Des soltu mich bewisen.

Des wil ich dich bewisen wol
Du edle kuniginne.
Der heilig geiste komen sol,
Der mag daz wol volbringen.